Zərurətdən Ehtiyaca: İslam İqtisadiyyatı - ödənişsiz elmi-marifləndirici seminar keçiriləcəkdir.

2019-09-05 | İqtisadiyyat | 2465

Sentyabr ayının 7-də Bakı şəhəri Ruma Expo Hoteldə "Zərurətdən Ehtiyaca: İslam İqtisadiyyatı" mövzusunda ictimayyətə açıq ödənişsiz elmi-marifləndirici seminar keçiriləcəkdir.

Ölkəmizdə əhalinin sahibkarlığa meylinin günü-gündən artdığı, təşəbbüskarların maliyyə resurslarına çıxışının genişləndirilməsinin zərurətə çevrildiyi, bunun əksinə istehlak kreditlərini hədəf halına gətirən banklarda yüksək faiz dərəcələrinin mövcud olduğu bir şəraitdə Azərbaycanda İslam maliyyə alətlərinin tətbiq olunması günümüzün aktual məsələsinə çevrilmişdir. Bunu nəzərə alaraq, insanları marifləndirmək üçün 7 sentyabr tarixində Rumu Expo hoteldə İqtisadi Resursların Öyrənilmə İctimai Birliyi (SER) nəznində qurulmuş İslam İqtisadiyyatı Resurs və Araşdırma Mərkəzi (İQRAM) tərəfindən “Zərurətdən Ehtiyaca: İslam İqtisadiyyatı” mövzusunda seminar təşkil olunacaqdır.

Seminarda İqtisadi Resursların Öyrənilməsi İctimai Birliyinin sədri, iqtisad üzrə fəlsəfə doktoru Ruslan Atakişiyev və Malayziya Beynəlxalq İslam universitetinin məzunu, eyni zamanda AAOIFI (The Accounting and Auditing Organization for Islamic Financial Institutions) təşkilatının Şəriət məsələləri üzrə Auditor və Məsləhətçisi olan Anar Yusifzadə gələn qonaqları İslam İqtisadiyyatı ilə bağlı geniş şəkildə məlumatlandıracaqlar.

Burada İslam İqtisadiyyatının nəzəri əsaslarından, onun praktikada tətbiqi imkanlarından, Azərbaycanda mövcud olan biznes və iqtisadi mühitdən, mövcud Qanunvericilik çərçivəsində İslam maliyyə alətlərinin tətbiq olunmasının imkan və prespektivlərindən geniş danışılacaqdır.

Seminar İslam iqtisadiyyatına maraq göstərən hər kəs üçün nəzərdə tutulmuşdur. Amma, bank, maliyyə, sığorta mütəxəssisləri, iqtisadiyyat yönümlü tələbələrin və iş adamlarının iştirak etməsinə üstünlük veriləcək.

Tədbirdə iştirak etmək istəyənlər 012-432-71-75 telefonuna zəng etməklə, 051-340-39-13, 070-727-99-20 nömrələrinə whatsapp vasitəsilə mesaj, iqram.office@gmail.com ünvanına e-mail yazmaqla ad, soyad və mobil nömrələrini qeyd edərək qeydiyyatdan keçə bilərlər.

Mənbə: https://www.ser.az/