Auditorlar Palatası Kölgə iqtisadiyyatına qarşı tədbirlər görəcək

2019-12-30 | Audit | 2718

Auditorlar Palatası Şurasının növbəti iclası keçirilib.

“Report” Palataya istinadən iclasda Şura üzvləri və Şura yanında Komitə sədrləri iştirak ediblər.

İclas iştirakçıları aşağıdakı məsələləri müzakirə edərək müvafiq qərarlar qəbul edib:

- "Kölgə iqtisadiyyatı"nın azaldılması istiqamətində kompleks tədbirlər sisteminin “Strateji Yol Xəritəsi” çərçivəsində işlənib hazırlanması;

- Şura yanında Keyfiyyətə nəzarət üzrə komitənin müfəttişlərinin siyahısının təsdiq edilməsi;

- “Auditor təşkilatları və sərbəst auditorlar tərəfindən aparılmış auditlərin keyfiyyətinə kənar nəzarətin həyata keçirilməsi üzrə 2020-ci il üçün Plan-qrafik”in təsdiq edilməsi;

- “Audit komitələri haqqında” Əsasnamənin yenidən işlənməsi;

- Beynəlxalq Mühasiblər Federasiyasına (IFAC) təqdim edilmiş fəaliyyət planının icrası ilə əlaqədar məlumatların hazırlanması və göndərilməsi;

- Ölkə ərazisində göstərilən auditor xidmətlərinin dəyərinin tövsiyə olunan minimum hədlərinə yenidən baxılması;

- “Auditor təşkilatları və sərbəst auditorlar tərəfindən auditor xidməti müqaviləsinin bağlanılmasına dair Auditorlar Palatasının məlumatlandırılması Qaydası”na riayət edilməsi.

Mənbə: https://report.az/maliyye/auditorlar-palatasi-kolge-iqtisadiyyati-na-qarsi-tedbirler-gorecek/