PEŞƏKAR MÜHASİBLƏRİN BEYNƏLXALQ ETİKA MƏCƏLLƏSİ MÖVZUSUNDA SEMİNAR keçirilmişdir.

2020-02-21 | Audit | 2840

Ölkəmizdə uğurla həyata keçirilən iqtisadi islahatlara dəstək verilməsi, şəffaflığın artırılması və hesabatlılığın yüksək səviyyədə qurulması, vergidən yayınma hallarının qarşısının alınması sahəsində qabaqcıl təcrübənin tətbiqi və bu sahədə sahibkarlara, iş adamlarına, müəssisə və təşkilatlara metodoloji dəstək göstərilməsi məqsədilə,Azərbaycan Respublikasının Auditorlar Palatası və Azərbaycan Mühasiblər və Risk Peşəkarları Assosiasiyasının (ARPA) birgə təşkilatçılığı ilə 2020-ci il 14 fevral tarixində Auditorlar Palatasında Mühasiblər üçün peşə etikasının fundamental prinsipləri və davranış standartlarının tətbiqinə dair “PEŞƏKAR MÜHASİBLƏRİN BEYNƏLXALQ ETİKA MƏCƏLLƏSİ” mövzusunda seminar keçirilmişdir. Seminarı giriş sözləri ilə Auditorlar Palatasının Aparatının rəhbəri Qəşəm Bayramov və Azərbaycan Mühasiblər və Risk Peşəkarları Assosiasiyasının İdarə heyətinin sədri Günay Şahbazova açaraq tədbir iştirakçılarını salamladı və sonra seminarın əhəmiyyətindən danışdılar və seminarda iştirak etdiklərinə görə iştirakçılara təşəkkürünü və tövsiyələrini çatdırdılar.

Daha sonra Auditorlar Palatasının Maliyyə təminatı və Xarici əlaqələr idarəsinin rəisi Vəli Rəhimov və Elm və auditor fəaliyyətinin metodoloji təminatı komitənin sədri Nəcəf Talibov ” Peşəkar Mühasiblərin Etika Məcəlləsi və Məcəllənin 2016-ci il nəşrinin məzmununa edilmiş dəyişikliklər” və “Beynəlxalq Müstəqillik Standartları” mövzularında məruzə ilə çıxış etdilər.Mövzular üzrə geniş müzakirələr aparıldı.

Seminarda ölkədə fəaliyyət göstərən sahibkarlıq qurumlarının,müəssisə və təşkilatların,o cümlədən Bakı Mühəndislik Universiteti, ERA ATSC, Avand -R İnşaat MMC, Kür Consulting MMC, SOCAR-Neft Kəmərləri, Xırdalan Şərab,Azerbaycan Respublikası Vergilər Nazirliyi, Sərbəst auditor, "Su idmanı Sarayı" MMC - "Caspian Sport Service" MMC, Muğanbank ASC ,Alyans Tekistil MMC, Aqrar Tədqiqatlar Mərkəzi PHŞ, Kənd Təssərufatı Nazirliyi-Aqrar Tədqiqatlar Mərkəzi PHŞ, Grand Palace» MTK, «AQRO TRADE»MMC «ALGİ GROUP» MMC, RSM Azerbaijan MMC, Cəlilabad Broyler ASC, Səba ASC, Baku Oxford School, TuranBank ASC, Azər-Türk Bank, Moore Stephens Azərb. MMC, FINCA Azerbaijan, Zeytun Pharmaceuticals MMC, Hippokrat TM MMC, Ziraat Bank Azərbaycan ASC, Beer Art MMC, “Azərsun Holdinq, Azərsun Kənd Təsərrüfatı Məhsulları” MMC, Azərbaycan Kağız və Karton İstehsalı Kombinatı”, Azərpoçt MMC, "Aqrar Tədarük və Təchizat", “AMEA Yüksək Texnologiyalar Parkı” MMC, Kənd Təsərrufatı Nazirliyi Dövlət Aqrar Ticarət Şirkəti " MMC, 13 saylı məktəb, Paşa bank,Xalq Sığortanı təmsil edən 60-a yaxın nəfər nümayəndələr iştirak etmişdir.

Mənbə: http://www.audit.gov.az/index.php?type=xebergoster&id=491