Azərbaycanda 2017-ci il üçün yaşayış minimumu və ehtiyac meyarı artırılır.

2016-12-16 | Kadr işi | 3471

Milli Məclis bu gün keçirilən plenar iclasında "2017-ci ildə ehtiyac meyarı haqqında" və "2017-ci il üzrə yaşayış minimumu haqqında" qanun layihəsini qəbul edib.

Trend-in məlumatına görə, gələn il Azərbaycanda ehtiyac meyarı 116 manat təşkil edəcək.

Qeyd edək ki, 2016-cı ildə ehtiyac meyarının həcmi 105 manat səviyyəsində təsdiq edilmişdi.

Trend-in məlumtına görə, 2017-ci ildə Azərbaycanda yaşayış minumumu 155 manat həcmində proqnozlaşdırılır ki, bu da ötən ilki göstəricidən 13,97 fazi çoxdur.

Əhalinin sosial-demoqrafik qrupları üzrə yaşayış minimumu isə əmək qabiliyyətli əhali üçün - 164,5 manat, təqaüdçülər üçün - 130,2 manat, uşaqlar üçün - 136,6 manat təşkil edəcək.

Qeyd edək ki, cari ildə yaşayış minimumu 136 manat təşkil edib ki, o cümlədən əmək qabiliyyətli əhali üçün - 145 manat, təqaüdçülər üçün - 115 manat, uşaqlar üçün - 118 manat təşkil edib.

Büdcə zərfində 2017-ci il və növbəti 3 il üçün yaşayış minimumunun artırılması nəzərdə tutulur. Belə ki, 2018-ci ildə 162,6 manata, 2019-cu ildə 169 manata, 2020-ci ildə isə 174,9 manata çatdlırlması proqnozlaşdırılır.

Mənbə: http://az.trend.az/business/economy/2698826.html