Maliyyə Hesabatlarının Beynəlxalq Standartlarına və Kommersiya Təşkilatları üçün Milli Mühasibat Uçotu Standartlarına əsasən mühasibat uçotunun aparılması Qaydaları təsdiq edilib.

2017-03-02 | Mühasibat uçotu | 5073

AR Maliyyə Nazirliyi Kolleqiyasının 30.01.2017 tarixli Q-01 nömrəli qərarı ilə "Maliyyə Hesabatlarının Beynəlxalq Standartlarına və Kommersiya Təşkilatları üçün Milli Mühasibat Uçotu Standartlarına əsasən mühasibat uçotunun aparılması Qaydaları" təsdiq edilib.

Qərara əsasən bu qaydalar kredit təşkilatları istisna olmaqla, kommersiya təşkilatları, habelə hüquqi şəxs yaratmadan sahibkarlıq fəaliyyəti ilə məşğul olan fiziki şəxslər tərəfindən mühasibat uçotunun aparılmasını tənzimləyir.

Bu Qaydalar kiçik sahibkarlıq subyektlərınə, həmin subyektlər "Mühasibat uçotu haqqında" Azərbaycan Respublikası Qanununun 9.0.2-ci maddəsinin tələblərinə uyğun olaraq, illik maliyyə hesabatlarını Milli Standartlara uyğun tərtib etdiyi hallarda şamil edilir.

Qaydalar ilə tanış olmaq üçün aşağıdakı linkə daxil olun:

"Maliyyə Hesabatlarının Beynəlxalq Standartlarına və Kommersiya Təşkilatları üçün Milli Mühasibat Uçotu Standartlarına əsasən mühasibat uçotunun aparılması Qaydaları"

Qeyd etmək laımdır ki, kiçik sahibkarlıq subyektləri "Mühaibat uçotu haqqında" AR Qanunun 9-cu maddəsinə əsasən

• Kiçik sahibkarlıq subyektlərində sadələşdirilmiş uçotun qaydalarına uyğun olaraq maliyyə hesabatlarını tərtib etməlidirlər; və ya
• öz seçimlərindən asılı olaraq maliyyə hesabatlarını Kommersiya Təşkilatları üçün Milli Mühasibat Uçotu Standartlarına uyğun şəkildə tərtib edə bilərlər.

Kiçik sahibkarlıq subyektlərində sadələşdirilmiş uçotun aparılması Qaydaları ilə aşağıdakı linkdən tanış ola bilərsiniz.

Kiçik sahibkarlıq subyektlərində sadələşdirilmiş uçotun aparılması Qaydaları

Beləliklə, kiçik sahibkarlıq subyektləri öz seçimlərindən asılı olaraq 2 qaydalardan biri ilə mühasibat uçotunu aparmağa və maliyyə hesabtlarını hazırlaya bilərlər:

• Sadələşdirilmiş uçotun qaydalarına uyğun olaraq;
• Kommersiya Təşkilatları üçün Milli Mühasibat Uçotu Standartlarına uyğun

Mənbə: http://www.maliyye.gov.az/node/40