Bakı və rayonlarda DSMF ödənişləri belə olacaq – MƏBLƏĞLƏR

2019-02-11 | Vergilər | 6001

Xəbər verildiyi kimi, minimum əmək haqqının 130 manatdan 180 manata artması ilə DSMF ödənişləri də yüksəlib. FED.az xəbər verir ki, yeniliklər həm Bakıda, həm də digər şəhər və rayonlarda çalışan sahibkarların ödənişlərinə təsir edəcək. Vergi eksperti Vəli Əliyev FED.az-a bildirib ki, dəyişikliklərdən sonra DSMF ödənişləri belə olacaq:

2019-cu ilin martın 1-dən etibarən minimum aylıq əmək haqqı artdığı üçün(180 manat) fərdi sahibkarların DSMF ödənişləri artmış oldu. Beləliklə martın 1-dən etibarən:

Bakı şəhəri üzrə ticarət və tikinti sahələrində sahibkarlıq fəaliyyəti ilə məşğul olan fiziki şəxslər 65 manatdan 90 manata;

Bakı şəhərində digər sahələrdə sahibkarlıq fəaliyyəti ilə məşğul olan fiziki şəxslər 26 manatdan 36 manata qədər artmış oldu.

Sumqayıt və Gəncə şəhərlərində ticarət və tikinti sahələrində sahibkarlıq fəaliyyəti ilə məşğul olan fiziki şəxslər 58.5 manatdan 81 manata;

Sumqayıt və Gəncə şəhərlərində digər sahələrdə sahibkarlıq fəaliyyəti ilə məşğul olan fiziki şəxslər 23.4 manatdan 32.4 manata qədər artmış oldu.

Respublika tabeli digər şəhərlərdə ticarət və tikinti sahələrində sahibkarlıq fəaliyyəti ilə məşğul olan fiziki şəxslər 52 manatdan 72 manata;

Respublika tabeli digər şəhərlərdə digər sahələrdə sahibkarlıq fəaliyyəti ilə məşğul olan fiziki şəxslər 20.8 manatdan 28.8 manata qədər artmış oldu.

Rayon mərkəzlərində, digər şəhərlərdə və qəsəbələrdə Ticarət və tikinti sahələrində sahibkarlıq fəaliyyəti ilə məşğul olan fiziki şəxslər 39 manatdan 54 manata;

Rayon mərkəzlərində, digər şəhərlərdə və qəsəbələrdə digər sahələrdə sahibkarlıq fəaliyyəti ilə məşğul olan fiziki şəxslər 15.6 manatdan 21.6 manata qədər artmış oldu.

Kənd yerlərində, Ticarət və tikinti sahələrində sahibkarlıq fəaliyyəti ilə məşğul olan fiziki şəxslər 32.5 manatdan 45 manata;

Kənd yerlərində digər sahələrdə sahibkarlıq fəaliyyəti ilə məşğul olan fiziki şəxslər 13 manatdan 18 manata qədər artmış oldu.

Mənbə: http://www.fed.az/az/news/read/56994