"CFA-I" imtahanına hazırlıq kursu

2014-04-30 | Sertifikasiyalar | 4430

Kapital Bazarı üzrə Təlim Mərkəzi CFA imtahanının birinci mərhələsinə hazırlıq kursu elan edir. Hazırlıq kursu 2014-cü ilin iyun ayından 2014-cü ilin dekabr ayına qədər davam edəcək.

Təlim, öyrənmək vaxtına qənaət, sorğu-sual prosesi, digər namizədlərlə birgə hazırlaşmaq kimi üstünlükləri özündə birləşdirir. Təlim CFA-II və CFA-III dərəcəli təlimçilər tərəfindən ingilis dilində keçiriləcək. Təlimçilərimiz öz təcrübəsindən istifadə etməklə CFA proqramının mövzularını namizədlərə düzgün prioritetləşdirilmiş şəkildə təqdim etməklə imtahana hazırlayacaqlar.

Təlim haqqında:

Dərslər 6 ay çərçivəsində həftədə 2 dəfə keçiriləcəkdir. Hər dərsin müddəti 2.5 saat olmaqla, birinci saatın sonunda 15 dəqiqəlik fasilə ilə nəzərdə tutulub. İlk 5 ay təlim materiallarının təqdim edilməsi, sonuncu ay isə təkrar və imtahana hazırlıq müddəti kimi nəzərdə tutulub. Təlim materialları mərkəz tərəfindən təmin olunacaqdır. Təlim zamanı müntəzəm olaraq testlər, sonda isə sınaq imtahanları təşkil olunacaqdır. Son sınaq imtahanını uğurla bitirən tələbələr müvəfəqiyyət sertifikatı ilə təmin olunacaqlar.

Təlimin məqsədləri:

• Namizədlərin CFA-I imtahanının uğurlu keçirilməsini təmin etmək;
• Azərbaycanda CFA dərəcəsinə malik olan peşəkarların sayını artırmaq;
• Azərbaycanın kapital bazarına beynəlxalq təcrübənin inteqrasiyasını təmin etmək.

• İngilis dilinin yüksək səviyyədə olması;
• Statistik və riyazi biliklərinin olması arzu olunandır, amma şərt deyil.

Təlimdə qeydiyyatdan keçmək üçün www.cmtc.gov.az internet səhifədən istifadə edə və ya bizimlə əlaqə saxlaya bilərsiniz.

Ünvan: Sahib Zeynalov küç. 9/7

Tel: (+994 12) 498 16 77

Mənbə: http://www.marja.az