Azərbaycan İnşaat Korporasiyası yaradılacaq

2020-04-05 | İqtisadiyyat | 3616

Azərbaycanın tikinti sektorunda strateji layihələrin işlənməsi və həyata keçirilməsinin yeni mexanizminin yaradılması məqsədilə şəhərlərin və regionların inkişafının sürətləndirilməsi üçün Azərbaycan İnşaat Korporasiyasının yaradılması nəzərdə tutulub.

"Report" xəbər verir ki, bu, Nazirlər Kabinetinin təsdiq etdiyi, “Koronavirus (COVID-19) pandemiyasının və bundan irəli gələrək dünya enerji və səhm bazarlarında baş verən kəskin dalğalanmaların iqtisadiyyata, makroiqtisadi sabitliyə, məşğulluq məsələlərinə və sahibkarlıq subyektlərinə mənfi təsirinin azaldılması ilə bağlı bir sıra tədbirlər haqqında” ölkə prezidentinin 19 mart 2020-ci il tarixli sərəncamının icrası ilə bağlı Tədbirlər Planında öz əksini tapıb.

Sənəddə deyilir ki, həmin məsələnin reallaşdırılıması və korporasiya tərəfindən aşağıdakı fəaliyyətin həyata keçirilməsinə dair təkliflər hazırlanmalıdır:

- strateji layihələr portfelinin uzunmüddətli idarə olunması, yeni layihələrin işlənməsi;

- bu layihələrin maliyyələşməsinə investorların cəlb edilməsi;

- dövlət tərəfindən yeni tikinti layihələri üçün yerlərin ayrılması və zəruri infrastrukturun yaradılması;

- multi-funksional tikintini təmin edən pilot layihənin həyata keçirilməsi.

Mənbə: https://report.az/i-nfrastruktur/azerbaycan-i-nkisaf-korporasiyasi-yaradilacaq/