Təhtəlhesab şəxs - inzibati-təsərrüfat fəaliyyəti və əməliyyatlar üzrə hesablaşmaları, o cümlədən mal və xidmətlərin alışını həyata keçirən şəxsdir. Bu müəssisənin kassasından və ya kartına nağd pul almış, və aldığı pulun istifadəsinə görə hesabat verməli olan, müəssisənin işçiləridir.

Nağd pul almaq üçün təhtəlhesab şəxs hər dəfə ərizə ilə müəssisənin rəhbərinə müraciət etməlidir. Müəssisə rəhbəri ərizənin üzərində verilən pulun miqdarını və bu məbləğin verilmə müddətini qeyd edir.

Nağd pul aımış təhtəlhesab şəxs aldığı pulun istifadəsi ilə bağlı hesabatı və xərcləri təsdiq edən bütün çek və qəbzləri mühasibatlığa təqdim etməlidir. Avans hesabatının formasına və doldurulma qaydalarına buradan baxa bilərsiniz - Avans hesabatı.

Təhtəlhesab şəxs kassadan aşağıdakı hallarda nağd pul verilir:

• Ezamiyyət xərcləri üçün;
• Təsərrüfat xərcləri üçün;
• Nümayəndəlik xərcləri üçün.